Najwjetši šulski twar Budyskeho wokrjesa přepodali

štwórtk, 16. měrca 2017
artikl hódnoćić
(0 )
Woni su módro-žołty a zeleno-běły banćik wčera přetřihali a laborowy nowotwar BSZ za hospodarstwo a techniku w Budyšinje přepodali: wotrjadnik w sakskim kultusowym ministerstwje Thomas Rechentin, prezident Foruma sakskich rjemjeslnikow Roland Ermer, zapósłanc Sakskeho krajneho sejma Marko Šiman, Budyski krajny rada Michael Harig (wobaj CDU), jednaćel firmy twarske planowanje Budyšin Falko Hinz a šulski nawoda Uwe Richter (wotlěwa)  Foto: SN/Maćij Bulank Woni su módro-žołty a zeleno-běły banćik wčera přetřihali a laborowy nowotwar BSZ za hospodarstwo a techniku w Budyšinje přepodali: wotrjadnik w sakskim kultusowym ministerstwje Thomas Rechentin, prezident Foruma sakskich rjemjeslnikow Roland Ermer, zapósłanc Sakskeho krajneho sejma Marko Šiman, Budyski krajny rada Michael Harig (wobaj CDU), jednaćel firmy twarske planowanje Budyšin Falko Hinz a šulski nawoda Uwe Richter (wotlěwa) Foto: SN/Maćij Bulank

Budyšin (SN/at). Laborowy přitwar powołanskošulskeho centruma (BSZ) za hospodarstwo a techniku na Schillerowych zelenišćach su wčera swjatočnje přepo­dali. Nimo zastupjerjow sakskeho kultusoweho ministerstwa a krajnoradneho zarjada wobdźěli so tudyši zapósłanc Sakskeho krajneho sejma Marko Šiman (CDU) na swjedźenskim akće na žurli stareho twarjenja. Chór kubłanišću přisłušaceje Serbskeje fachoweje šule za socialnu pedagogiku je ceremoniju wobrubił. Mjez druhim zanjesechu spěwarjo serbsku pěseń „Mój Budyšin“.

„Budyski wokrjes je kubłanske stejnišćo“, wuzběhny krajny rada Michael Harig (CDU) w postrowje. Zhromadnosć z bywšim Kamjenskim wokrjesom wot lěta 2008 je to hišće zesylniła. „Njeje žanoho druheho wokrjesa w Swobodnym staće Sakskej, kotryž tak intensiwnje do šulow a šulskich centrumow inwestuje.“ Krajny rada dopomi na přihoty inwesticije. Dorozumjenje na stejnišćo Schillerowe zelenišća „njebě jednore“, šulski twar pak je po słowach Hariga najwjetši Budyskeho wulkowokrjesa. Wšěm na twarje wobdźělenym so wón dźakowaše.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND