Dźěći Kulowskeje Krabatoweje šule běchu so na kreatiwnym wubědźowanju wobdźělili. Wčera wopytachu wone Wojerowski Domowinski dom, hdźež bě za nje dźakne zarjadowanje za jich basnje a molowanki.

Wojerecy (SiR/SN). Poprjancy ze šokolodu, brěčka, serbska dźěćaca kniha, luboznje kryta kofejowa tafla a čerwjene powětrowe balonki při durjach će witaja. Regionalna rěčnica Domowiny za teritorij župy „Handrij Zejler“ Christina Šołćina strowi šulerjow na trochu hinašu wučbu serbšćiny hač w šuli.