Chrósćicy (SN/MiR). Wjace hač 60 akterow na a před jewišćom, wjacore sta přihladowarjow na parkeće Chróšćanskeje „Jednoty“ – to je bilanca ličbow „Dźěćaceje serbskeje kwasneje rewije“. Ju předstajichu šulerjo tamnišeje Serbskeje zakładneje šule „Jurij Chěžka“ wčera nawječor swojim hosćom. Rezimej začućow rěkaše: Předstajenje bě přewšo poradźene. To hódnoćeše tež županka Kamjenskeje župy Zala Cyžowa po předstajenju so dźakujo ze słowami: „Přeju sej, zo móžemy rewiju hišće dalše razy widźeć.“