Šulerjow do čitanja stawizničkow zapřijał

štwórtk, 14. septembera 2017
artikl hódnoćić
(0 )
Štefan Paška je wčera we Wojerecach zhromadnje ze šulerjemi ze swojeje knihi „Nowe dyrdomdeje na wsy“ čitał.  Foto: Milenka Rječcyna Štefan Paška je wčera we Wojerecach zhromadnje ze šulerjemi ze swojeje knihi „Nowe dyrdomdeje na wsy“ čitał. Foto: Milenka Rječcyna

Wojerecy (SN/MiR). Čitać a sej čitać dać – tónle princip je serbski rozhłosownik Štefan Paška wčera zeskutkownił. Na Wojerowskej Zakładnej šuli „Handrij Zejler“ je wón 25 šulerjam 4. lětnika předstajił swoju knihu „Nowe dyrdomdeje na wsy“. A woni hnydom wědźachu, wo koho w jeho powědančkach dźe. Wšako běchu hižo w 3. lětniku z jeho prěnički „Dyrdomdeje na wsy“ čitali. Wučerce Silwija Wjeńcyna a Regina Kummerowa běštej swojich chowancow derje na wosebitu wučbnu hodźinu přihotowałoj. Hólcy a holcy tuž spěšnje wědźachu, zo dźe w powědančkach wo hólčeca Tima, kiž je ze staršimaj, sotru Milenku na wjesny statok k dźědej a wowce ćahnył.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND