Diskusija wo koncepciji 2plus poručenje

pjatk, 29. septembera 2017
artikl hódnoćić
(0 )
Na schodźišću Budyskeho Serbskeho gymnazija skedźbnja tafla ze słowami sławneho serbskeho duchowneho a basnika Jakuba Barta-Ćišinskeho wšědnje na narodne herbstwo našeho ludu, rěč wótcow serbskich a jich swěru kruće hajić.  Foto: SN/Maćij Bulank Na schodźišću Budyskeho Serbskeho gymnazija skedźbnja tafla ze słowami sławneho serbskeho duchowneho a basnika Jakuba Barta-Ćišinskeho wšědnje na narodne herbstwo našeho ludu, rěč wótcow serbskich a jich swěru kruće hajić. Foto: SN/Maćij Bulank

Njedosahace spěchowanje maćernorěčnych šulerjow narěčane

Budyšin (SN/MiR). Koncepcija 2plus je připóznaty kubłanski model na serbskich a serbšćinu wuwučowacych šulach za sposrědkowanje dwurěčnosće. Mjeztym pak jewja so napřećiwne hłosy, kotrež paruja dosahace spěchowanje maćernorěčnych šulerjow. Mjez nimi je nowy předsyda kubłanskeho wuběrka Domowiny Marcel Brauman. „Z rozmoł- wow z wučerjemi kaž tež ze staršimi maćernorěčnych dźěći abo tajkich, kotřiž chcedźa serbšćinu na maćernorěčnym niwowje wuknyć, wěm, zo njejsu spokojom“, wón na naprašowanje našeho wječornika rjekny. Jich kritika měri so runje na koncepciju 2plus, kotraž po jich nahledźe rěčne wuměnjenja wosebje serbskich dźěći a młodostnych dosć njewobkedźbuje a njespěchuje. „Trjebamy A-rjadownje, hdźež su wšitcy nutřka, wšojedne kotreho pochada, kotřiž chcedźa na maćernorěčnym niwowje serbsce nawuknyć a ze swojimi sobušulerjemi tež zwonka wučbnych hodźin serbować“, piše Marcel Braumann na swojim in­ternetnym blogu piwarc.wordpress.com.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND