Holči komorny chór 50lětne wobstaće swjećił

wutora, 07. nowembera 2017
artikl hódnoćić
(0 )
Holči komorny chór Budyskeje hudźbneje šule swjećeše njedźelu z koncertom w Budyskej Marje-Marćinej cyrkwi 50lětne wobstaće. 80 něhdyšich a dźensnišich spěwarkow je zhromadnje pod nawodom Anity Däbritz spěwało. Wosebity dźak wuprajichu prěnjemu nawodźe kubłanišća Jurjej Winarjej z tym, zo zanjesechu wot njeho zhudźbnjenu serbsku pěseń.  Foto: Carmen Schumann Holči komorny chór Budyskeje hudźbneje šule swjećeše njedźelu z koncertom w Budyskej Marje-Marćinej cyrkwi 50lětne wobstaće. 80 něhdyšich a dźensnišich spěwarkow je zhromadnje pod nawodom Anity Däbritz spěwało. Wosebity dźak wuprajichu prěnjemu nawodźe kubłanišća Jurjej Winarjej z tym, zo zanjesechu wot njeho zhudźbnjenu serbsku pěseń. Foto: Carmen Schumann

Budyšin (CS/SN). Budyska Marje-Marćina cyrkej běše njedźelu popołdnju jara derje wopytana. Wjacore sta zajimcow běchu na koncert k 50. róčnicy załoženja holčeho komorneho chóra Budyskeje wokrjesneje hudźbneje šule přišli. 80 spěwarkow pjelnješe wołtarnišćo ewangelskeho Božeho domu. Pod nawodom dirigentki Anity Däbritz zanjesechu wone cyrkwinske spěwy runje tak kaž ludowe – we wjacorych rěčach, mjez druhim ruske a španiske. Ale tež serbski „Leć horje“ po teksće njedawno zemrěteho Kita Lorenca a melodiji Jana Rawpa kaž tež woblubowany „Jako z’ swojim lubym“ stej zaklinčałoj.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND