Towarstwo Stup dale stara so wuspěšnje wo maćernorěčne kubłanje dźěći
Drježdźany (SN/MiR). Wot spočatka januara skutkuja w dźěćacym dnjowym přebywanišću na Geisingskej w Drježdźanach štyrjo Serbja. Kubłarka Nadja Lebzec ma třoch praktikantow poboku. Hižo dlěje dźěła tam we wobłuku praktikuma dźiwadłowa pedagogowka Teresa Stübnerec. Hakle něšto dnjow zaběra so w zarjadnišću sorabistka Sylvia Berensmeierec z dźěćimi we wobłuku serbskorěčneho kubłanja. Wona chce po móžnosći cyłe lěto praktiske nazhonjenja w pěstowarni zběrać a tak zwěsćić, hač je powołanje kubłarki za nju perspektiwa. Wjacore měsacy trajacy praktikum wukonja w zarjadnišću tež Syman Šołta.