Smjerdźaca (aha/SN). Třeći raz mjeztym je Smjerdźečanske kubłanske srjedźišćo LIPA w lěćnych prózdninach za dźěći wočerstwjace sportowe dny přewjedło. Hižo znatej terminaj stej stajnje do prěnjeho kaž tež do poslednjeho tydźenja prózdnin zapołoženej. Mjeztym zo běchu so spočatk julija pjatnaćo wobdźělili, je jich tele dny 27 dźěći. Přewšo dobreho wothłosa dla njemóžachu hišće wjace přizjewjenjow přijimać.