Wučerjo njejsu

štwórtk, 30. awgusta 2018
artikl hódnoćić
(0 )
Budyšin (SN/MiR). Nawoda Budyskeho Powołanskošulskeho centruma za hospodarstwo a techniku Uwe Richter chce we wukubłanskim lěće 2019/2020 druhu rjadownju za wukubłanje kubłarjow a kubłarkow wotewrěć. Kaž hižo we wobstejacych rjadownjach chcedźa serbskich zajimcow wosebje spěchować. Byrnjež w šulskim lěće 2016/2017 maćernorěčnych zajimcow za wukubłanje njeměli, rěčeše předsydka sakskeje serbskeje rady Marja Michałkowa lětsa w juliju wo tym, zo „zajim tež dwě rjadowni dowola“. Uwe Richter to wobkrući. Tež lětsa mějachu znowa wjace požadanjow hač městnow. Hižo loni w aprylu bě Richter SN rjekł, zo „změja w šulskim lěće 2017/2018 dwě rjadowni“. Rjadownju zarjadować pak so dotal po­radźiło njeje. „Přičina su pobrachowacy wučerjo“, praji nawodnica Serbskeje fachoweje šule za socialnistwo Elke Jäckel. Jednu nowu wučerku na štyri hodźiny wob tydźeń maja. Wot spočatka šulskeho lěta je to přidatnje k třom tam skutkowacym serbskim pedagogam wučerka Budyskeje SWŠ Kerstin Klingnerowa. Wona podawa serbšćinu na maćernorěčnym niwowje a posrědkuje wědu wo Witaj-kubłanju.
wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND