Lětuši wotchadnicy móža swoje kónčne pruwowanja woměrje złožić

Slepo/Radwor/Budyšin (SN/MiR). Hač do 30. apryla wobsteji w Sakskej wosebity plan za šulske wuwučowanje. Zdobom maja na kubłanišćach wosebite hygieniske předpisy wobkedźbować. Plan měri so tuchwilu na wotchadnikow wyšich, powołanskich a spěchowanskich šulow kaž tež gymnazijow. Za čas po 1. meji chce sakske ministerstwo za kultus šulam a zjawnosći informacije wo dalšim postupowanju posrědkować.