Abibal lětsa w dźiwadle był poručenje

póndźela, 06. julija 2020
artikl hódnoćić
(0 )
Antonio Matik, Tereza Krygarjec, Vanessa Miklec a Martha Hantušec (wotlěwa) słušeja ke gymnaziastam, kotřiž su maturitne pruwowanja „jara derje“ wobstali. Dawid Mark (srjedźa) docpě samo přerězk 1,0. Byrnjež abibal lětsa bjez rejow a z jenož małej hudźbnej skupinku wuhotowali, wostanje swjedźeń abiturientam trajne dožiwjenje.  Foto: Maćij Bulank Antonio Matik, Tereza Krygarjec, Vanessa Miklec a Martha Hantušec (wotlěwa) słušeja ke gymnaziastam, kotřiž su maturitne pruwowanja „jara derje“ wobstali. Dawid Mark (srjedźa) docpě samo přerězk 1,0. Byrnjež abibal lětsa bjez rejow a z jenož małej hudźbnej skupinku wuhotowali, wostanje swjedźeń abiturientam trajne dožiwjenje. Foto: Maćij Bulank

Serbscy gymnaziasća swoje wuswědčenja swjatočnje přijimali

Budyšin (SN/bn). „Česćeni maturanća, witam was, wašich staršich a wučerki a wučerjow Serbskeho gymnazija Budyšin (SGB) na dźensnišu maturitnu swjatočnosć – nažel w małym kole, za to pak z dwěmaj premjeromaj. Sprěnja swjećimy prěni raz na žurli Němsko-Serbskeho ludoweho dźiwadła, zdruha móža waši sobušulerjo a přiwuzni přepodaće wuswědčenjow prěni raz jako livestream sćěhować“, zahaji šulski nawoda SGB René­ Wjacławk lětuši tak mjenowany abibal hornjoserbskich gymnaziastow minjeny pjatk w Budyšinje.

Intendantka Serbskeho ludoweho ansam­bla Judith Kubicec dopominaše so w swjedźenskej narěči na swój čas na te­hdy Serbska rozšěrjena wyša šula mjenowanym kubłanišću kaž tež na slědowacy puć do powołanja. Z pomocu baje­ wo Pintlašku wona wotchadnikow namołwješe: „Njemějće strach! Njebojće so zmylkow! Dźiće do swěta, spokojće swoju wćipnosć a mějće serbskosć stajnje při sebi! Tale kajkosć wašeje identity njebudźe nihdy njelěpšina. Namakajće za sebje prawy puć. Wjele zboža!“

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND