Digitalne srědki połnje wučerpać

wutora, 14. julija 2020
artikl hódnoćić
(0 )

Digitalna wučba je so najpozdźišo w tutym šulskim lěće jako trěbna alternatiwa ke klasiskim kubłanskim modelam wukopała. Kak móhli ju pedagogojo kaž tež šulerjo efektiwnje nałožować, pokazuje nowy rjad webinarow.

Budyšin (SN/bn). Pod hesłom „Šula digitalnje“ wuhotujetej wotnožce Sakskeho wukubłanskeho a wupruwowanskeho kanala (SAEK) w Budyšinje a Kamjenicy poskitk takrjec jako wučbu wučerjam. Zazběh tworješe wčerawši prěni internetny seminar-webinar „Knowhow za digitalnych přidružnikow“. Annika Schulz a Michał Cyž rozłožištaj wobdźělnikam z cyłeje Sakskeje za wirtuelnu rjadownisku stwu trěbne zakładne wuměnjeja. „Mikrofon, kamera a kompjuter – to hižo dosaha. Njedyrbi ani najdróša technika być. A jeli raz wobraz abo zwuk wisatej: To k tomu słuša“, Cyž podšmórny.

wozjewjene w: Kubłanje
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND