To njerozumju

srjeda, 09. septembera 2020
artikl hódnoćić
(0 )
Nowe šulske lěto je so runje započało, a hižo so prašam: Što to dyrbi? Na jednym boku pytaja nuznje serbskich wučerjow – a to samo we wukraju –, na tamnej stronje pak da Budyska wotnožka Krajneho zarjada za šulu a kubłanje wukubłanych a wjacore lěta we wučerstwje skutkowacych serbskich(!) pedagogow tak jednorje ze serbskeje šulskeje słužby ćahnyć. To njerozumju. Uwe Macka – wón bě wjele lět na Ralbičanskej wyšej šuli woblubo­wany wučer – je nětko na Wóslinčanskim kubłanišću, kotrež je w swobodnym nošerstwje. To je jenož jedyn přikład, zo su nuznje trěbni pedagogojo serbske šule wopušćili a zdźěla na němsku wotešli. Njemóže statny zarjad, kotryž zhromadnje ze Serbskim šulskim towarstwom wo wučerjow wabi a samo přistajenje zaruča, w tajkich padach kompromisy nańć, zo bychu serbscy wučerjo tam wostali, hdźež jich nu­znje trjebamy, na serbskich šulach. A trjebamy jich we wšitkich šulskich družinach! Janek Wowčer

wozjewjene w: Kubłanje
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND