Slepo/Budyšin (CK/SN/MiR). Wot wčerawšeho su wotchadne lětniki w Sakskej zaso w šuli. Na Wyšej šuli „Dr. Marja Grólmusec“ Slepo je jich 46 šulerjow w dwěmaj rjadownjomaj dźesateho kaž tež w jednej rjadowni 9. lětnika. Jich wuwučuja w pjeć skupinach. Prěnju hodźinu měješe Marcel Rjelka w předmjeće towaršnowěda z dźesać šulerjemi rjadownjow 10 a / 10 b. Fachowy wučer wšak zwěsći, zo dyrbi wšitkich porjadnje motiwować. Tak wón wuknjacym připowědźi, zo změja po tydźenjach domjaceho wuknjenja bórze wukonowu kontrolu pisać.