Hudźba wobradźa wjeselo. Wosebje šulerjam zaběra z instrumentom abo hłosom wuknjenje wolóža, a zdobom wona wostudu wuhnawa. Hudźbne šule skića za nawuknjenje hraća na instrumenće wšelakore móžnosće.
Wojerecy (SiR/SN). Chóry smědźa zaso zwučować. Wojerowski gitarowy orchester Juventa musica so zhromadźuje, a porsty pilnje po trunach skakaja. Hudźbna šula Wojerecy je swoje durje zaso šěroko wotewrěła. To wjelelětneho pedagogu Bernharda Cyža, kotryž wot lěta 1985 na Wojerowskej hudźbnej šuli wuwučuje, wulce zwjesela. „Prezencna wučba tójšto wolóža a je po dołhim online-wuwučowanju najlěpša warianta za šulerjow a wučerjow, zaso na jednej runinje zwučować móc.“
