Na Korsice sej swoje hranicy wuwědomił

srjeda, 15. decembera 2021
artikl hódnoćić
(0 )
Za přebytk w přirodźe je sej Šunowčan trěbny ekwipment, kaž jednowosobowy stan, płunowy warjak a kapsny nóž, sobu přinjesł. Maćij Möller Za přebytk w přirodźe je sej Šunowčan trěbny ekwipment, kaž jednowosobowy stan, płunowy warjak a kapsny nóž, sobu přinjesł. Maćij Möller

Po najćešej dalokopućowanskej šćežce Europy Grande Randonnée 20 ducy był

Mnozy ludźo dowolowy čas wužiwaja, zo bychu so na přibrjohu morja ležo wot słónčnych pruhow brunić dali. 29lětny Maćij Möller ze Šunowa so hinak wočerstwja. Wučer geografije, nabožiny a towaršnowědy na Radworskej wyšej šuli „Dr. Marja Grólmusec“ je sej­ lětsa porno tomu za čas dowola woprawdźite wužadanje wuzwolił. Za to poda so na francosku kupu Korsika ze zaměrom, sewjerny dźěl tak mjeno­wa­neje Grande Randonnée 20, skrótšene GR20, a zdobom najćešeje dalokopućowanskeje šćežki Europy přewinyć.

Přihot za naročnu čaru

Ideju za njewšědny dyrdomdej je Maćij Möller cyle spontanje zrodźił. Dotal dźě bě stajnje z kolesom po puću, nětko bě sej předewzał nóžkować. Tak je so w syći za najrjeńšimi pućemi Europy wobhonił. Jako prěnju dósta pokazku na GR20. „Tale tura je jako nadměru naročna wo­pisana“, Šunowčan wuswětla, „tuž sym spočatnje trochu dwělował. Nimo toho njemějach hišće žanežkuli pućowanske nazhonjenja.“

wozjewjene w: Kubłanje

Galerija

dalši wobraz (1) Nahłe skalizny krajinu Korsiki charakterizuja, a po GR20 dyrbiš často krosnować.
dalši wobraz (2) Karta dalokopućowanskeje šćežki GR20 na kupje Korsika
dalši wobraz (3) Na dowolu sportowsce aktiwny 29lětny wučer Maćij Möller ze Šunowa je wjace hač sto kilometrow po trasy GR20 wot Calenzany do Vizzavony pućował.
Prošu přizjewće so, chceće-li komentar podać

nawěšk

nowostki LND