Mysli dale na dobro Serbstwa

štwórtk, 31. měrca 2022
artikl hódnoćić
(0 )
Jan Bart listuje w starach nowinskich přinoškach wo iniciatiwje Witaj. Wot lěta 1992 hač do dźensnišeho je wón přinoški we wjacorych rjadowakach zběrał. Bórze chce wón wšitko do archiwa Rěčneho centruma WITAJ dać. Prěnja Witaj-brošurka Jana Barta za staršich pod titlom „Dwurěčnosć – přirodny pokład Łužicy“ bě w lěće 1998 nastała. Wuhotował je brošurku Stephan Levko.  Foto: Andreas Kirschke Jan Bart listuje w starach nowinskich přinoškach wo iniciatiwje Witaj. Wot lěta 1992 hač do dźensnišeho je wón přinoški we wjacorych rjadowakach zběrał. Bórze chce wón wšitko do archiwa Rěčneho centruma WITAJ dać. Prěnja Witaj-brošurka Jana Barta za staršich pod titlom „Dwurěčnosć – přirodny pokład Łužicy“ bě w lěće 1998 nastała. Wuhotował je brošurku Stephan Levko. Foto: Andreas Kirschke

Nestor serbskeho Witaj-hibanja – pod tymle mjenom je Jan Bart po wšej Łužicy a daloko ­za njej znaty. Dźensa před 90 lětami rodźeny je narodnje kubłany a je cyłe swoje powołanske žiwjenje wěnował serbskorěčnemu kubła­nju. A tež nětko dawa wón młodej generaciji pokiwy.

„Z Witaj sym sej žiwjenske přeće spjelnił“, spomina runje dźensa 90lětny Jan Bart. „Jako bě so wšitko započało, w lěće 1992, bě nas skupina bretonskich šulerjow a dweju wučerjow w Pančicach-Kukowje na šuli wopytała. Woni powědachu nam wo posrědkowanju bretonšćiny w pěstowarni a šuli po metodźe imersije, to rěka dospołnym zanurjenju do rěče.“

Jan Bart je dale a wjace wo modelowym projekće DIWAN zhonił, štož je breto­niske mjeno za „schadźenk“. 1977 běchu tam projekt zahajili, dokelž běše so bretonšćina sylnje zhubiła. Dźensa maja tam 20 pěstowarnjow, kotrež su bretoniskim zakładnym šulam přiwjazane. Šulerjo móža samo bretonsce maturować. Bart sej mysleše, zo móhł model być tež něšto za Łužicu. „Z małym busom sym 1993 ze šěsć šulerjemi a wu­čerku Sabinu Žurowej do Bretoniskeje jěł, zo bychmy wožiwjenje bretonšćiny na městnje dožiwili.“

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND