Towarstwa měli bóle wabić poručenje

wutora, 26. apryla 2022
artikl hódnoćić
(0 )

Dźěći a młodostni z Ukrainy móhli w Radworju dale wuknyć

Radwor/Budyšin (SN/MiR). Na Radworskej šuli „Dr. Marja Grólmusec“ wuknu tuchwilu třo z Ukrainy pochadźacy šulerjo, jedyn na wyšej a dwajo na zakładnej šuli. Nawodnica wyšeje šule Diana Wowčerjowa je přijała wčera prěnjeho šulerja, kiž z Ukrainy pochadźa. Kyril Dacenko, nětko bydlacy w Radworju, wuknje w rjadowni 5. lětnika ze 24 dalšimi šulerjemi. Při tym wuknje wón zhromadnje ze šěsć sobušulerjemi w skupinje za maćernorěčne dźěći po koncepće 2plus.

„Sym LaSuB wo tym informowała, zo mamy na našej šuli cyłkownje, to rěka wot 5. do 10. lětnika, městno za 23 šulerjow z Ukrainy. Stajnje třoch do pjećoch bychmy do jedneje rjadownje přiwzać móhli“, rozłoži Diana Wowčerjowa. Ze swojim poskitkom je so wona ­měriła ­wosebje na tych šulerjow, kotřiž w Radworju a wokolinje bydla. „Z Kyrilom je započatk činjeny a nadźijamy so, zo namakamy móžnosć, zo móža snadź bórze tež dźěći a młodostni z Ukrainy, kotřiž z Radworja tuchwilu do Budyšina na Daimlerowu šulu jězdźa, bórze pola nas wuknyć“, wona zwurazni.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND