Šulerjo 8. lětnika maja so ewaluaciji stajić

Budyšin (SN/MiR). Wot lěta 2023 ma so prawidłownje rěčny staw šulerjow a šulerkow 8. lětnika zwěsćić. To nastupa šule w Sakskej, kotrež po koncepciji 2plus dźěłaja. Spočatk septembra je Serbski institut (SI) w Budyšinje přewzał wědomostny přewod ewaluacije wo efektiwiće přesadźenja koncepcije na tutych kubła­nišćach. Z tym zahaja pilotowu fazu. Z toho po­trjechenych je 16 šulow w serbskim sydlenskim rumje. Budyska wotnožka Sakskeho krajneho zarjada za šulu a kubłanje (LaSuB) kompleksne pře­py­towanje koncepcionelnje přewodźuje a Sakske statne ministerstwo za kultus (SMK) projekt financielnje spěchuje.