Schrift vergrößern
W Ralbičanskej wyšej šuli su wčera prěnje powołanske wiki přewjedli. Tam předstajichu so předewzaća z wokoliny, mjez druhim z města Budyšina Němsko-Serbske ludowe dźiwadło a Ludowe nakładnistwo Domowina. Hač w rjemjeslniskich abo industrijnych zawodach, w ratarstwje abo serbskich institucijach, wšudźe pytaja nuznje za dorostom. W bohatej ličbje přichwatani wopytowarjo su poskitk Ralbičanskeho kubłanišća jara derje přiwzali. Foto: Tomaš Šołta
Ralbicy (JK/SN). Połni wočakowanjow a jara napjeći njeběchu wčera dopołdnja jenož wučerjo a šulerjo Ralbičanskeje wyšeje šule, ale tež jich starši a wosebje zastupjerjo zawodow, rjemjeslniskich předewzaćow a institucijow. Tući běchu w jara wulkej ličbje přichwatali, swoje stejišća natwarili a so na bohaty wopyt a hoberski zajim nastajili. A njebuchu přesłapjeni.
