Holcy we Wojerowskej narodnej drasće su program na wotewrjenskim zarjadowanju ponowjeneje Wojerowskeje zakładneje šule „Handrij Zejler“ wobrubili. Wone přisłušeja šulskej rejowanskej skupinje, kotruž Gabriela Linakowa nawjeduje. Při woblěkanju holcow před wustupami podpěruje ju hotowarniča Brětnjanskeje rejowanskeje skupiny, Marina Kosakowa. Wona wupožčuje po potrjebje tež narodne drasty. Foto: Katrin Demczenko
We Wojerowskej zakładnej šuli „Handrij Zejler“ su ponowjenje woswjećili
Wojerecy (KD/SN). Z posměwkom w mjezwoču su minjeny pjatk šulerjo a wučerjo kaž tež zastupjerjo města Wojerecy, Domowiny a druhich institucijow modernizowanu zakładnu šulu „Handrija Zejlerja“ we Wojerecach oficialnje poswjećili.