Po wobzamknjenju gmejnskeje rady w „Chróšćan kołću“ twarja
Chrósćicy (SN/MiR). Přichodnej dwě njedźeli je „Chróšćan kołć“ zawrjeny. Při wšěm pak w domje měr njeknježi. Nawopak: wot póndźele so tam twari. 29. junija mějachu čłonojo Chróšćanskeje gmejnskeje rady wo štyrjoch předłohach za twarsku naprawu wothłosować. Po wjetšinje běše wothłosowanje jednohłósne. W zarjadnišću matej so sanitarnej rumnosći z dalšimaj nuznikomaj wuhotować. Zdobom běchu wo rozdawanju twarskich nadawkow rozsudźili.