Radwor (SN/bn). „Štó ja sym?“ bě prašenje, na kotrež su šulerki a šulerjo Radworskeje wyšeje šule „Dr. Marja Grólmusec“ we wobłuku projekta „Naša serbska kniha“ literarisce wotmołwili. Z nastatych tekstow – přewažnje krótkopowědančka a někotražkuli baseń –, kaž tež ze samo zhotowjenych rysowankow su zběrku „Ja – Ich“ zestajili. Wčera su ju w kopaće połnym Radworskim Dwórnišću inkluzije premjernje předstajili.