Starši so wukazej „po rěči měšanych rjadownjow“ wobaraja
Radwor (SN/mb). Radworska staršiska iniciatiwa je w lisće nawodnicy zakładneje šule Angeli Rynčowej přećiwo njewutworjenju rjadownje za maćernorěčne dźěći w 1. lětniku protestowała. W mjenje iniciatiwy pisaše Wito Bejmak, zo njejapka změna „wotchila so wot na poslednjej šulskej konferency předstajeneho rjadowanja: serbska rjadownja ze 7 šulerjemi a němska rjadownja z 20 šulerjemi.“ Hladajo na to, zo 2plus hižo pobrachowacych wučerjow dla njefunguje, „je ćim wažniše, zo garantujemy našim serbskim dźěćom maćernorěčny kubłanski rum na zakładnej šuli“.
