Serbscy wučerjo dale na druhich šulach pomhaja

Drježdźany SN/MiR). Něhdźe 527 300 šulerjow póńdźe přichodnu póndźelu w Sakskej do šule, mjez nimi budźe 37 700 šulskich nowačkow. By-li po sakskim statnym ministrje za kultus Conradźe Clemensu (CDU) šło, bychu dźěći a młodostni wučbu bjez wupada šulskich hodźin dožiwili. Wčera přilubi wón dalše polěpšenje situacije. Zašłe šulske lěto móžachu na wyšich šulach wupad wučby wo wjace hač 20 procentow znižić. „Tuž je dale najwyša kaznja, zo so wjace wučby na našich šulach wotměwa a mjenje wučby wupaduje“, tak Clemens. Jedyn puć, tole docpěć je wotrjadowanje wučerjow. Na tym so ničo njezměni. Sakske kultusowe ministerstwo (SMK) w přichodnym šulskim lěće 2026/2027 z toho wuchadźa, zo njewostanje při 5 000 wotrjadowanjach kaž minjene šulske lěto, ale zo budźe jich wjace. Na naprašowanje SN, w kotrej měrje to w přichodźe wučerjow serbšćiny potrjechi, rjekny minister: „Wobhladamy sej wotrjadowanja cyle dokładnje a pruwujemy kóždy jednotliwy pad.