Maćica Serbska dóstanje zaso swoje wobsydstwo

štwórtk, 01. oktobera 2015
artikl hódnoćić
(0 )
Někotre z eksponatow, kotrež po wobzamknjenju měšćanskeje rady Maćicy Serbskej wróća.  Foto:  SN/Maćij Bulank Někotre z eksponatow, kotrež po wobzamknjenju měšćanskeje rady Maćicy Serbskej wróća. Foto: SN/Maćij Bulank

Budyšin (CK/SN). Eksponaty ze zběrki bywšeho Serbskeho domu přeńdu po 74 lětach zaso do wobsydstwa Maćicy Serbskeje. Tole je Budyska měšćanska rada na swojim wčerawšim posedźenju jednohłósnje wobzamknyła. Při tym jedna so wo 36 objektow w hódnoće nimale 20 000 eurow. Mjez nimi su drastowej klance a najwšelakoriše dźěle drasty.

Serbski dom na Lawskich hrjebjach w nošerstwje 1847 załoženeje Maćicy Serbskeje chowaše serbske kulturnostawizniske zběrki. 1941 je nacionalsocialisća sćazachu a přenjesechu něhdźe tysac objektow do měšćanskeho muzeja. Tam wjedźechu je jako poddypki jeničkeho in- wentarneho čisła 8700, zdźěla wone scyła zapisane njeběchu. Po tym zo bě Serbski­ muzej 1976 na Hrodźe zaćahnył, jemu najwjetši dźěl objektow w 70tych a 80tych lětach přepodachu. Po słowach nawody měšćanskeho muzeja dr. Jür­gena Vollbrechta njebě to tehdy žadyn problem. Přetož wobaj domaj měještej z městom Budyšinom samsneho nošerja.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND