SJ Chrósćicy
– ST Hnašecy/Dobruša 1:0 (1:0)
Zestawa domjacych: Králíček – Pöpel, Cyž, Zahrodnik, Šafář, Šmit (77. Młynk), Runt, Domaška, Dórnik, Žur (90. Bogusz), Věchet (63. Dehn)
Kajke to wyskanje, wobjimanje a gratulacije po wothwizdanju koparskeje hry minjenu njedźelu na Chróšćanskim sportnišću. Štó by sej před měsacami myslił, zo wostanje mustwo w prěnjej połseriji 16 partijow pospochi bjez poražki a načolnik tabulki. Z móžnych 48 dypkow su sej Chróšćenjo ze 14 dobyćemi a dwěmaj remisomaj 44 dypkow zawěsćili. Kajka to sensacija. Tež přećiwo něhdyšej trenarskej dwójce Dirk Rettig/Falk Kunze su sej nětko z wolu a mustwowym duchom tři dypki doma zdźerželi.