Jednanje 20 lět po nadpadźe na banku

wutora, 17. meje 2016
artikl hódnoćić
(0 )

Budyšin (SN). Z njeskutkom, kotryž bě so před nimale dwaceći lětami w Bukecach stał, zaběra so wot 24. meje Budyska ­wulka chłostanska komora Zhorjelskeho krajneho sudnistwa. Před njej dyrbi so 43lětny němski zamkar z Jabloneca ćežkeho rubježnistwa a rubjenja swobody dla zamołwić. Statne rěčnistwo jemu ­wumjetuje, zo bě 23. januara 1997 ně­hdźe w 7.30 hodź. hromadźe z hižo za­sudźenym komplicu při zadnich durjach Bukečanskeje wotnožki wokrjesneje ­lutowarnje na přistajenu čakał. Wobaj­ jej z pistolu hrožeštaj, zo ma filialu wotamknyć. Nutřka wonaj žonu sputaštaj. Jako nawodnica wotnožki bórze na to ­přińdźe, jej wobskorženy z pistolu hrožeše a sej žadaše, zo ma trezor wo­činić. Z njeho wza sej 60 000 hriwnow. ­Pjenjezy sej rubježnikaj pozdźišo dźě­leštaj.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND