Informacija do noweju rukow

srjeda, 29. junija 2016
artikl hódnoćić
(0 )

Hranicy Sakskeje a Braniborskeje přesahowacy turistiski zwjazk ma přichodnje turistisku informaciju „Łužiska jězorina­“ wobhospodarjeć. Na to je so wčera Wojerowska měšćanska rada dojednała­.

Wojerecy (AK/SN). Swoju turistisku informaciju „Łužiska jězorina“ woteda město Wojerecy do noweje zamołwitosće. Kónc tohole lěta wupowědźi město zrěčenje, po kotrymž so Łužiska hala tzwr wo turistisku informaciju stara. Wot 2017 ma tónle nadawk hranicy přesahowacy turistiski zwjazk Łužiska jězorina přewzać. Wón přewozmje za to trěbnych štyrjoch sobudźěłaćerjow kaž tež wuhotowanje a techniku direktnje wot Łužiskeje hale. Tole je wjetšina měšćanskeje rady na wčerawšim posedźenju wobzamknyła. Tak sćěhowachu zhromadny namjet frakcijow CDU, SPD a Lěwicy. Martin Schmidt (CDU) hłosowaše přećiwo tomu, Ralph Büchner (Lěwica) kaž tež Katrin Kiefel a Hans-Joachim Donath (Aktiwne Wojerecy) so hłosa wzdachu.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND