Jedyn wjeršk honi druhi

póndźela, 04. julija 2016
artikl hódnoćić
(0 )
Młódši a starši zetkachu so wčera w Nowej Wjesce, jako su tam we wobłuku wjesneho swjedźenja pisany program wjesnjanow předstajili.  Foto: Bianka Wjeńcyna Młódši a starši zetkachu so wčera w Nowej Wjesce, jako su tam we wobłuku wjesneho swjedźenja pisany program wjesnjanow předstajili. Foto: Bianka Wjeńcyna

Towarstwo tež w lěću aktiwne – lětsa z trochu mjeńšim swjedźenjom

Nowa Wjeska (BW/SN). Z wobhladanjom hry europskich koparskich mišterstwow Francoskeje přećiwo Islandskej je so wčera 41. Nowowješćanski wjesny swjedźeń skónčił. Wot pjatka běchu sej při towarstwowym domje na kromje wsy organizowali volleyballowy turněr, wječorne reje, dźěćacu zabawu, rańše piwko a wčera popołdnju pisany program. W nim dožiwi něhdźe 300 wopytowarjow serbskeho dudlowarja Bena Nowaka z Róžanta, aerobikowu skupinu třoch holcow, skeč młodych žonow a nic naposledk tradicionalne sadźenje, při kotrymž běchu tónraz młodostni na rjedźe. W tymle programowym dypku mějachu woni sceny z kinowych filmow napodobnić a při tym tohorunja jězdźidła sobu zasadźeć. Tak bě za kóždu starobu skupinu něšto zajimawe pódla, štož je kóžde lěto znowa wužadanje, rjekny předsyda towarstwa Wjesna zhromadnosć Křesćan Korjeńk. Wšako spytaja wjesnjenjo sami žortny a wotměnjawy program na nohi stajić, byrnjež lětsa w tróšku mjeńšej formje było, dokelž su mnozy hižo w dowolu.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND