Wo zetkanju kultowych awtow w holi

póndźela, 05. septembera 2016
artikl hódnoćić
(0 )
Zhromadna jězba k Budyskemu spjatemu jězorej a na Lětońske lětanišćo bě sobotu wjeršk Komorowskeho zetkanja awtow typa VW Käfer.  Foto: Heinz Noack Zhromadna jězba k Budyskemu spjatemu jězorej a na Lětońske lětanišćo bě sobotu wjeršk Komorowskeho zetkanja awtow typa VW Käfer. Foto: Heinz Noack

Jězdźidła najwšelakorišeho razu móža ludźi na wosebite wašnje zwjazować. To bě kónc tydźenja w Komorowje pytnyć. Tam zetkachu so znowa wobsedźerjo awtow typa VW Käfer.

Komorow (HN/SN). Swoje 30lětne wobstaće swjećeše kónc tydźenja Budyski Käferowy klub na swjedźenišću při bywšej šuli w Komorowje pola Klukša. Po wšěm zdaću je to najstarše towarstwo tohole razu we wuchodnej Němskej. Něhdźe 300 awtow typa VW Käfer z Němskeje, Čěskeje a Pólskeje bě na jubilej do hole přijěło. Z 800 kilometrami najdlěši puć měještaj mandźelskaj z Mazurow.

Sobuzałožer a wjelelětny předsyda towarstwa kaž tež kóždolětnych zetkanjow je dźensa 72lětny Ehrenfried Toppe, kiž měješe wjele lět w Delnjej Hórce zamkarnju za VW Käfery. Wón so hišće derje dopomina, zo běchu na prěnich zetkanjach za čas NDR stajnje někotři wuskušowarjo stasi pódla. Po 25 lětach je Ehrenfried Toppe nawodnistwo do młódšich rukow přepodał. Andrea Jurk, Katrin Toppe-Servos a Katrin Linke maja mjeztym ze swojimi mnohimi pomocnikami wšitke nitki kruće w horšći.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Serbska lajska dźiwadłowa skupina Šunow-Konjecy je swoju nowu komediju "Ludźo njedźiwaće so" 9. nowembra prapremjernje w Šunowskej Fabrikskej hospodźe předstajiła. tule namakaće někotre impresije z inscenacije. 

Tohorunja tón kónc tydźenja su w Ketl

nowostki LND