Krótkopowěsće (28.11.16)

póndźela, 28. nowembera 2016
artikl hódnoćić
(0 )

Z fotami Jürgena Maćija

Drježdźany. Pod hesłom „Pódla był – fotografije z NDRskeho časa“ wustajeja fotografojo Frank Höhler, Thomas Kläber, Georg Krause a Jürgen Maćij tuchwilu w rumnosćach přichodneho NDRskeho muzeja w Drježdźanskim Simmelowym nakupnišću na Albertowym naměsće. Hač do 14. januara je wustajeńca přistupna.

Maja nowu nawodnicu

Choćebuz. Uta Henšelowa stanje so z nowej nawodnicu Šule za delnjoserbsku rěč a kulturu w Choćebuzu. 1. februara wona nowe zastojnstwo nastupi, rozprawja delnjoserbski rozhłós RBB. Lubnjowčanka, kotraž skutkuje hišće jako regionalna rěčnica Domowiny w Delnjej Łužicy, přewozmje nawodnistwo kubłanišća wot Marje Elikowskeje-Winkleroweje, kiž so kónc lěta na wuměnk poda.

Telekom pruwuje nadpad

Berlin/Bonn. Po masiwnych hawarijach internetnych přizamkow Němskeje Telekom předewzaće pruwuje, hač móhło so wo nadpad hackerow zwonka předewzaća jednać. Wotpowědne pokiwy je Telekom wot fachowcow dóstała. Potrjechenych je něhdźe 900 000 internetnych routerow. To su nastroje, kotrež zmóžnjeja zwisk do interneta.

wozjewjene w: Krótkopowěsće
Prošu přizjewće so, chceće-li komentar podać

nawěšk

nowostki LND