Po šěsć měsacach zaso dźěło

srjeda, 01. februara 2017
artikl hódnoćić
(0 )

Spěšnišo hač druhdźe namakachu bjezdźěłni 2016 nowy job

Budyšin (CK/SN). Sobudźěłaćerjo agentury za dźěło w Budyšinje a w tamnych wotnožkach wuchodneje Sakskeje wjedźechu loni 132 480 poradźowanskich rozmołwow. Při tym jedna so po słowach nawody Budyskeje dźěłoweje agentury Thomasa Berndta bjezwuwzaćnje wo wosobinske rozmołwy, telefoniske kontakty w tejle ličbje zapřijate njejsu. W swojej lětnej bilancy mjenowaše šef zarjadnišća 2016 „dobre lěto za dźěłowe wiki“. W lětnym přerězku wučinješe kwota bjezdźěłnych 8,4 procenty, je to najniša ličba wot časa 1990tych lět. Přerěznje bě 24 219 žonow­ a mužow bjez dźěła, před 15 lětami, potajkim 2001, bě jich 72 128.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND