Loni 15 000 ludźi SKC wopytało

srjeda, 08. měrca 2017
artikl hódnoćić
(0 )

Slepjanski Serbski kulturny centrum (SKC) je wažne turistiske městno srjedźneje Łužicy. Wosebje wiki jutrownych jejkow lěto wob lěto wjace wopytowarjow přiwabjeja.

Slepo (AK/SN). K najwšelakorišim zarjadowanjam a přiležnosćam je loni 15 000 zajimcow Slepjanski Serbski kulturny centrum wopytało. Tole zdźěli jeho nawodnica Silwija Panošina na wčerawšim posedźenju Slepjanskeje gmejnskeje rady. Nimale 6 000 ludźi bě na zarjado­wanjach, 1 100 hosći je sej wustajeńcy wobhladało, 1 700 wopytowarjow wopřijachu pućowanske skupiny. 2 700 zajimcow je so po wobchodźe suweněrow rozhladowało. Na kursach debjenja jutrownych jejkow zličichu 700 wobdźělnikow. „A wjace hač 3 000 ludźi su dalši zarjadowarjo přiwabili, na přikład Vattenfall ze swojimi wukubłanskimi wikami“, rozłoži Silwija Panošina Slepjanskim ra­dźićelam.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Sobotu, 17. febraura,  měješe lětuša inscenacija „Paradiz w dobrej stwě“ Němsko-Serbskeho ludoweho dźiwadła na hłownym jewišću w Budyšinje premjeru. Tule podawamy wam někotre fotowe impresije z přemjerneho předstajenja a z premjerneho swjedźenja. Při

nowostki LND