Starši dyrbja nětko wjace płaćić

štwórtk, 01. junija 2017
artikl hódnoćić
(0 )

Zastaranje dźěći je dale a dróše. Tole nazhonja­ nětko tež Hodźijska gmejna. Jedna z přičin je, zo Swobodny stat Sakska­ swój podźěl hižo wjacore lěta njepowjetša.

Hodźij (CK/SN). Za hladanje dźěći w Hodźijskej gmejnje dyrbja starši wot dźens­ni­šeho­ wjace płaćić. Tole su čłonojo gmejnskeje rady na swojim zašłym posedźenju z jednym wzdatym hłosom wobzamknyli. Přičina toho po informacijach z gmejnskeho zarjadnistwa je, zo su so wudawki za personal a wěcne wudawki w dźěćacymaj dnjowymaj přebywanišćomaj w Hodźiju a Myšecach loni znowa zwyšili. Za dźewjećhodźinske zastaranje dźěći w žłobiku maja starši nětko mě­sačnje 216,21 eurow płaćić a tak 16,21 eurow wjace. Dźewjeć hodźin w pěstowarni płaća 137,25 eurow, štož je 7,77 eurow­ wjace. A hdyž chodźi dźěćo šěsć hodźin­ do horta, płaća starši 76,14 eurow,­ potajkim 1,39 eurow wjace wob měsac. Runje tak kaž dotal su płaćizny staflowane, hdyž dźěćo mjenje časa w zarjadnišću wostanje, to samsne płaći za samokubłacych a hdyž staj bratr abo sotra­ tohorunja w pěstowarni.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND