Překwapjenka w Ralbicach

srjeda, 28. junija 2017
artikl hódnoćić
(0 )
Vanessa Knopec z Ralbic je składnosć wužiła a ze zběhadłom k baćonjacemu hnězdu jěła, zo by sej je raz zbliska wobhladała. Hnězdo wupada prawdźepodobnje  kaž taler, přez kotrehož kromu młodźata hdys a hdys pohladnu. Foto: Andreas Baumgärtel Vanessa Knopec z Ralbic je składnosć wužiła a ze zběhadłom k baćonjacemu hnězdu jěła, zo by sej je raz zbliska wobhladała. Hnězdo wupada prawdźepodobnje kaž taler, přez kotrehož kromu młodźata hdys a hdys pohladnu. Foto: Andreas Baumgärtel

W serbskej wokolinje wčera 40 młodych baćonow wopjeršćenili

Njeswačidło/Ralbicy (SN/BŠe). Čłonojo spěchowanskeho towarstwa Njeswačanskeje přirodoškitneje stacije su wčera cyłkownje 40 baćonow w štyrnaće hornjołužiskich hnězdach wopjeršćenili. To je wažne, zo móhli jich populaciju wobkedźbować. Tak pobychu mjez druhim w Sernjanach, Chasowje, Radworju, Dobrošicach a Komorowje. Rjanu překwapjenku dožiwichu w Ralbicach. Poprawom běchu tam z třoch młodźatow wuchadźeli.­ Jako pak so přirodoškitarjo ze zběhadłom hnězdu bližachu, wuhladachu woni štyri.

Bližiš-li so młodym baćonam, so wone lehnu a hižo njehibnu. To mjenunja fachowcy­ akinezu. Mjeztym zo je starši baćon, pochadźacy ze sewjera Němskeje, činjenje při hnězdźe wobkedźbował, dachu­ sej młodźata proceduru lubić. Fachowcy­ je wažachu a wuměrichu kři­dła. Wčerawše młode baćony běchu dwaj do tři kilogramy ćežke a mějachu 30 do 40 centimetrow dołhe křidła.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND