Wo towarstwje rozmyslować

póndźela, 03. julija 2017
artikl hódnoćić
(0 )
Derje wopytany kaž kóžde lěto bě zawčerawšim patronatny swjedźeń kapałki swj. Jana w Dobrošicach.  Foto: Feliks Haza Derje wopytany kaž kóžde lěto bě zawčerawšim patronatny swjedźeń kapałki swj. Jana w Dobrošicach. Foto: Feliks Haza

Dobrošicy (aha/SN). Kóžde lěto 24. junija přewjeduja w Dobrošicach patronatny swjedźeń swojeje kapałki, kotraž je swjatemu Janej poswjećena. Folklorneho festiwala dla jón wo tydźeń přestorčichu. Tež tónraz je so Hubert Žur z pomocu młodych swójbow a dalšich wo to starał, zo tradiciju janskeho swjedźenja zachowaja.

Swjatočnu Božu mšu swjećeše farar Měrćin Deleńk. W swojim prědowanju chwaleše wón zhromadnu zamołwitosć wjesnjanow wo jich kapałku, pokaza pak tež na trěbne změny w biskopstwje. Wosada­ dyrbi pruwować, hač móže wšitke dotalne twary w swojej zamołwitosći wobchować. Tuchwilu Chróšćanska wosada k Dobrošicam steji. Biskopstwo pak namjetuje wo tym rozmyslować, załožić zapisane towarstwo, kotrež móhło Dobroščansku­ kapałku jako městno modlenja přichodnym generacijam zachować.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND