Pisane stawizny we wobrazach

póndźela, 03. julija 2017
artikl hódnoćić
(0 )
Wulkotnje wuhotowany swjedźenski ćah bě widźeć wčera po Nowej Wjesce. Tónle wobraz dopominaše na to, zo su tam za čas NDR tobak sušili a prasowali.  Foto: Bianka Wjeńcyna Wulkotnje wuhotowany swjedźenski ćah bě widźeć wčera po Nowej Wjesce. Tónle wobraz dopominaše na to, zo su tam za čas NDR tobak sušili a prasowali. Foto: Bianka Wjeńcyna

K 400. jubilejej Noweje Wjeski wulkotny swjedźenski ćah wuhotowali

Nowa Wjeska (BW/SN). Z kulturnym programom Wudworskich rejwarjow a Přezpólnymi, z Hudźbnym ćahom Wětnica/Čorny Chołmc a z bjesadu je so wčera nawječor­ skónčił swjedźenski kónc tydźenja, z kotrymž spominachu w Nowej Wjesce na 400. róčnicu prěnjeho naspomnjenja wsy. Zakład jubileja je kniha Alfonsa Frencla „Podłu Klóšterskeje wody“.­

Wot minjeneho štwórtka bě wjesne towarstwo z předsydu Křesćanom Korjeńkom na čole wjacore zarjadowanja organizowało. Tak zahajichu swój swjedźeń štwórtk z dźaknej Božej mšu, kotruž swjećeše wosadny farar Měrćin Deleńk. Pjatk běchu wjesnjenjo na literarny wječor pola Dyrlichec přeprošeni. Tam přednjese Benedikt Dyrlich swoje basnje, a Radworčan Měrćin Wagner dopominaše na spočatki Nowowješćanskeje rejwanskeje skupiny kónc 1950tych lět, z kotrejež wurosće pozdźišo Wudworski wjesny ansambl. Sobotu připołdnju steješe volleyballowy turněr ze sydom mustwami na programje, popołdnju bě dźěćacy swjedźeń. Wječor přizamknychu so reje z kapału JANKAHANKA a diskoteku.

wozjewjene w: Lokalka

Galerija

dalši wobraz (1) Bywša Geislerec korčma bě jedna z markantnych wosebitosćow, na kotrež w Nowowješćanskim swjedźenskim ćahu dopominachu.
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND