Westernske jěchanje wuskutkuje měr a wěstosć (6)

srjeda, 02. awgusta 2017
artikl hódnoćić
(0 )
Kornelia Helm a žrěbc Jack stej dobry por. Kón je mjez jěcharjemi woblubowany, wosebje swojeje wurunanosće dla. Přišoł bě na Jitkowski Dubjany dwór, dokelž jeho druhdźe za konjacy sport hižo njetrjebachu.  Foto: Milenka Rječcyna Kornelia Helm a žrěbc Jack stej dobry por. Kón je mjez jěcharjemi woblubowany, wosebje swojeje wurunanosće dla. Přišoł bě na Jitkowski Dubjany dwór, dokelž jeho druhdźe za konjacy sport hižo njetrjebachu. Foto: Milenka Rječcyna

Woměrje, stajnje woměrje rěka kredo, podaš-li so na Helmec burski statok Dubjany dwór (Eichhof) w Jitku. Tónle měr nimaja jenož konje w kreji, cyła wokolina wuprudźa wodychnjenje. „To je bjez dźiwa, wšako lubuja na westernske jěchanje specializowane konje měr. Njejsu to zwěrjata, kotrež so wotsamo wjele hibaja“, měni Kornelia Helm. Na tamnym boku brunače dokładnje wědźa, hdy su jich kwality trěbne, na přikład, hdyž maja howjada hromadu wjesć. Runje dźensa chce tole konjaca hospodarska mišterka a trenarka B ze swojimi konjemi trenować. Před rohami maćernych kruwow dźě maja wone wulki respekt. Z treningom so konje, howjada a čłowjek na so zwuča. „Westernske jěchanje njeje w našich kónčinach jara rozšěrjene. Tu faworizuja ludźo skerje klasiske jěchanje“, praji 41lětna mějićelka Dubjaneho dwora. Mjeztym pak su sej mnozy wotkryli přijomnu sportowu družinu a waža sej wurunanosć konjow. Dźěći, wosebje holcy, wědźa wo jich dobrodušnosći. Měrna ruka trenarki a wobswět skludźatej někotružkuli temperamentnišu krej.

wozjewjene w: Lokalka

Galerija

dalši wobraz (1)
Prošu přizjewće so, chceće-li komentar podać

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND