Mejenjo so do dušow spěwali

póndźela, 09. oktobera 2017
artikl hódnoćić
(0 )
Něhdźe 80 wopytowarjow dožiwi wčera w Njebjelčanskej „Bjesadźe“ prěni z lětušich nazymskich koncertow. Wuhotował bě jón chór Meja.  Foto: Janek Wowčer Něhdźe 80 wopytowarjow dožiwi wčera w Njebjelčanskej „Bjesadźe“ prěni z lětušich nazymskich koncertow. Wuhotował bě jón chór Meja. Foto: Janek Wowčer

Nazymske koncertowanje 2017 z dobrym wopytom zahajene

Njebjelčicy (CRM/SN). Lětuši rjad nazymskich koncertow, zarjadowany znowa wot Załožby za serbski lud, je so wčera popołdnju w Njebjelčicach zahajił. Kaž je tam z wašnjom, zhromadźichu so wjesnjenjo a dalši hosćo hižo hodźinu do koncerta k swačinje. A to z prawym serbskim pjekarskim tykancom.

Lubowarjo serbskeho ludoweho spěwa přińdźechu hižo na zahajenskim koncerće cyle na swoje kóšty. Najstarši serbski chór, Radworska Meja z dirigentom Pětrom Cyžom, jón wuhotowa. Přez hodźinu trajace hudźbne zarjadowanje, wot Lydije Zopineje a Bena Bělka rutinowanje moderěrowane, wopokaza so znowa jako dosć wotměnjawe a tematisce derje natwarjene. Z radosću smědźeše so tež zwěsćić, zo njewobsteji naše dźědźinstwo jenož z bohateje zběrki pěsnjow z luda, ale zo su naši komponisća w běhu někak dweju lětstotkow wjele dobrych a dźensa dale rady spěwanych a słyšanych sadźbow spisali. A zdobom tež wjele nowych wuměłskich składbow wšelakich stilow skomponowali.

wozjewjene w: Lokalka
Prošu přizjewće so, chceće-li komentar podać

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND