Wuznaće k serbskosći je Wojerecam jara wažne
Wojerecy (SN/JaW). Město Wojerecy chce podźěl serbskosće na swojich internetnych stronach sylnje powjetšić. To připowědźi zamołwita za serbske naležnosće města Gabriela Linakowa na naprašowanje. „Wuznaće k serbskim korjenjam města, widźomna serbskosć we nim a zo ma serbska rěč w prezentacijach swoje městno, je wyšemu měšćanosće Stefanej Skorje, měšćanskej radźe kaž tež zarjadnistwu města Wojerec jara wažne. Zhromadnje za tym stejimy a polěpšimy serbski podźěl na nowych stronach“, podšmórny Linakowa w rozmołwje z SN.
