Nowa wustajeńca so dliji

wutora, 23. januara 2018
artikl hódnoćić
(0 )
Budyske wopomnišćo je jedne z najwažnišich sakskich městnow, hdźež dopominaja na diktatury w lětach wot 1933 do 1989.  Foto: Uwe Menschner Budyske wopomnišćo je jedne z najwažnišich sakskich městnow, hdźež dopominaja na diktatury w lětach wot 1933 do 1989. Foto: Uwe Menschner

Wotewrjenje přehladki w Budyskim wopomnišću dyrbja přestorčić

Budyšin (UM/SN). Nowowuhotowana trajna wustajeńca „Budyšin I a II w nacionalsocializmje – 1933 do 1945“ budźe po wšěm zdaću hakle w aprylu abo w meji 2018 wotewrjena. Tole wuchadźa z wotmołwy sakskeje statneje ministerki za wědomosć a wuměłstwo Evy-Marie Stange (SPD) na naprašowanje zapósłanče krajneho sejma Claudije Maicher (Zeleni). Přehladka wo času nacionalsocializma ma hižo wobstejacej dźělej wustajeńcy wo sowjetskim specialnym lěhwje (1945 do 1956) a wo stasijastwje (1956 do 1989) wudospołnić. Spočatnje planowany termin wotewrjenja dyrbjachu hižo wo lěto na 27. januar 2018 přestorčić. Datum by so derje hodźał, wšako tón dźeń po wšej Němskej wopory nacionalsocializma wopominaja. Zo tónle termin dodźeržeć njemóža a zo žadyn nowy konkretny datum postajeny njeje, ma Claudia Maicher za njemóžne. „Byrnjež wšitke wuměnjenja spjelnjene byli, Załožba sakskich wopomnišćow hišće žane předstawy wo wotewrjenju nima. Pedagogiski přewodny material jako wažny element přehladki ma so samo hakle po wotewrjenju zdźěłać.

wozjewjene w: Lokalka
Prošu přizjewće so, chceće-li komentar podać

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND