Konječenjo so Hańži Rachelowej z trójnej „Sławu“ dźakowali
Konjecy (SN/JaW). Wobnowjeny zwón na Konječanskej kapałce wot předwčerawšeho zaso zwoni. Konječansko-Šunowska wjesna rada bě jón ponowić a cyrkwičku přetwarić dała, tak zo zwón wotnětka dźakowano elektroniskej připrawje awtomatisce trójce wob dźeń zwoni. Njedźelu je jón Ralbičanski wosadny farar Šćěpan Delan w přitomnosći něhdźe 150 wobydlerjow z Konjec a wokolnych wsow na małym nyšporje pod hołym njebjom poswjećił, na čož zwón prěni króć po twarskej přestawce zaso zaklinča.