Dwě wuchowanskej straži trěbnej

štwórtk, 24. meje 2018
artikl hódnoćić
(0 )
Prěni přirjadnik krajneho rady Udo Wićaz (CDU) a  ćěsliski mišter Clemens Heber staj ceremoniju zběhanki zhromadnje přewjedłoj.  Foto: Uwe Menschner Prěni přirjadnik krajneho rady Udo Wićaz (CDU) a ćěsliski mišter Clemens Heber staj ceremoniju zběhanki zhromadnje přewjedłoj. Foto: Uwe Menschner

Budyšin (UM/SN). Na twarnišću wuchowanskeje straže na Budyskej Flincowej su wčera zběhanku swjećili. Z twarskej naprawu inwestuje Budyski wokrjes dalše 1,6 milionow eurow do syće swojich cyłkownje 17 wuchowanskich stražow. 1. měrca běchu twarić započeli, spočatk decembra chcedźa objekt wuchowanskej słužbje přepodać. „Z přetwarom wuho­tujemy wuchowansku stražu tak, zo wotpowěduje wona wotwidźomnym změnam normow DIN, kotrež sej wjace městna za jězdźidła žadaja“, rozłožuje prěni přirjadnik krajneho rady Udo Wićaz (CDU). Tak nastanje ze zestarjeneje garaže nowa jězdźidłowa hala z městnom za štyri wuchowanske awta. Po přetwarje móža je tež w zymje optimalnje rje­dźić, desinfikować a z materialom wu­hotować.

Jenož nutřkownje přetwarja socialny dźěl straže. Tam změjetaj potom nuzowaj lěkarjej, kotrajž staj wodnjo stajnje na městnje, separatne rumnosće ze swójskim sanitarnym dźělom. „Hłowny zaměr přetwara je dospołne rumnostne dźělenje socialneho wobłuka wot jězdźidłoweje hale“, Wićaz wuswětla.

wozjewjene w: Lokalka
Prošu přizjewće so, chceće-li komentar podać

nawěšk

  • Katolscy wěriwi swjeća dźensa wysoki swjedźeń Božeho ćěła. W nimale wšitkich serbskich wosadach, kročachu procesiony, zwjetša přewodźane wot dujerjow, k wonkownym wołtarkam. Sobu na čole procesionow dźěše wjele serbskich družkow. Tójšto dalšich holco

nowostki LND