Železniski móst prjedy hotowy

pjatk, 15. junija 2018
artikl hódnoćić
(0 )
Projektowy nawoda Oliver Franke z firmy Hentschke Bau (srjedźa) rozłoži wopytowarjam stajneho blida CDU twarske dźěła na železniskim mosće na Budyskej Zeppelinowej.  Foto: Uwe Menschner Projektowy nawoda Oliver Franke z firmy Hentschke Bau (srjedźa) rozłoži wopytowarjam stajneho blida CDU twarske dźěła na železniskim mosće na Budyskej Zeppelinowej. Foto: Uwe Menschner

Budyšin (UM/SN). Twarski projekt železniskeho mosta na Budyskej Zeppelinowej ma po wšěm zdaću hižo nalěto 2019 wotzamknjeny być – a tak sydom měsacow prjedy hač planowane. To rjekny projektowy nawoda Oliver Franke z předewzaća Hentschke Bau zawčerawšim we wobłuku stajneho blida CDU, kotrež wotmě so tónraz na twarnišću na juhu města Budyšina.

Časowy předskok docpěchu z eficientnišej twarskej technologiju. Tak su město planowanych pjeć pomocnych mostow jenož jenički natwarili. „Wosebite wužadanje je, zo dźěłamy při běžnym wobchadźe. Zawrjenske časy za železnisku čaru su hižo tři lěta do toho na minutu postajene. To njesmě so ničo stać“, rozłoži Franke. Chětro napjate bě, jako dyrbjachu lětsa w februaru dźěl mosta při minus 15 stopnjach zasunyć.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND