Wobora je trěbna

wutora, 03. julija 2018
artikl hódnoćić
(0 )
Wobydlerjo gmejny Njebjelčicy změja tele dny snano trochu spodźiwne začuće. Dyrbjał-li tam něhdźe woheń wudyrić, nje­móhli čłonojo Njebjelčanskeje dobrowólneje wobory tak spěšnje přijěć, kaž běchu to ludźo hewak zwučeni. Jich jězdźi­dło z časa NDR je hotowe na wusmužowu ­horu, a kameradojo je hižo njewužiwaja. Tónle přikład pokazuje, kak wažne je wobstajnje do techniskeho wuhotowanja wobory inwestować. Wšako je to wino­watostny nadawk komuny. Wobornicy zasadźeja swoje žiwjenje na dobro druhich a maja tuž prawo, zo zmóžnjeja jim za to trěbne wuměnjenja. Wězo płaća drasta, nahłowniki a škórnje wjele pjenjez a moderne jězdźidło hišće wjele wjace. Gmejnam pak často samo swójski podźěl ­pobrachuje, wjetše inwesticije zapłaćić. W tajkim połoženju so prašam, hač dyrbiš potom na kóždy pad gmejnski swjedźeń wuhotować. Pjenjezy hodźeli so tež hinak nałožić. Marian Wjeńka

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND