Najstarša Serbowka je 107 lět

pjatk, 30. nowembera 2018
artikl hódnoćić
(0 )
Swoje 107. narodniny swjeći dźensa w kruhu swojeje swójby knjeni Lejna Hrjehorjowa. Z lětom wjac hač něhdy po wšej Łužicy znata „mała kucharka“ je rodźena Ćemjerjec Lejna z Ralbic prawdźepodobnje najstarša znata Serbowka. Kaž Serbske Nowiny zhonichu, chodźeše wona wot časa dźěćatstwa – a to je nimale sto lět – wšědnje w katolskej drasće. Tak běše tež na wobrazach wo swójbnych swjedźenjach, kaž tule před třomi lětami, stajnje w narodnej drasće widźeć. Dołhož jej to strowota dowoleše, chodźeše wšědnje z wulkej hordosću serbska, tež w durinskim Gößnitzu. Do městačka pola Meerany bě so před něhdźe wosom lětami přesydliła, hdźež nětko pola swojeho syna Jana bydli. Tež Serbske Nowiny jubilarce nanajwutrobnišo gratuluja. Foto: Rafael Ledźbor

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND