Přećiwo harje a škodam protestowali

pjatk, 07. decembera 2018
artikl hódnoćić
(0 )
W Klětnjanskim wjesnym dźělu Cymplu (Zimpel), hdźež něhdźe sto ludźi bydli, mjeztym hižo štyri lěta přećiwo harje a škodam přez nakładne awta wojuja. Wšědnje ridruja tam hač do 40 tonow ćežke Lkw-je po wjesnej dróze, kotraž njeje po słowach wobydlerjow za to wužiwajomna. Na někotrych chěžach zwěsćichu samo hižo škałby, nastate su po wšěm zdaću střasenja dla. Zo bychu swój protest raznišo pokazali, su dróhu kónc nowembra samo někotre hodźiny nachwilnje zašlahali. Po měnjenju potrjechenych, dyrbja dróhu wutwarić. Kaž Zhorjelski krajnoradny zarjad zdźěli, je to tež předwidźane. Klětu chcedźa naprawu planować a ju lěto pozdźišo zwoprawdźić. Foto: Joachim Rjela

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND