Zrěčenje z ratarjom podlěša

pjatk, 21. decembera 2018
artikl hódnoćić
(0 )

Wažne městno na wčerawšej Njebjelčanskej gmejnskej radźe zabra wobzamknjenje wo podlěšenju zrěčenja přenajeća gmejnskich polow a łukow.

Njebjelčicy (aha/SN). Mjeztym štyri lěta wotnaja ratarski mišter Ignac Wjesela z Chrósćic, statnje pruwowany hospodar za ekologiske ratarstwo, wot gmejny Njebjelčicy cyłkownje něhdźe 25 hektarow pódy. Nimo krupnika (Dinkel), wowsa a kukuricy plahuje wón tam tež dźećel a buny. Krupnik dodawa Spytečanskemu młynej, buny a kukuricu přewostaja plahowarjej maćernych kruwow w Čornym Chołmcu, wows dóstawaja plahowarjo husow, abo Chróšćan předźěłuje jón na tružki.

Klětu ma Wjesela předwidźane wu­kubłać wučomnika a chce halu za składowanje zorna natwarić. Dokelž trjeba za dalše planowanje hospodarsku wě­stotu, je Njebjelčanskej gmejnje próstwu wo najenske zrěčenje za přichodne 15 lět zapodał. Tamniši wjesnjanosta Tomaš Čornak (CDU) je we wuběrkach parlamenta do posedźenja gmejnskeje rady pozadki naležnosće rozłožił.

wozjewjene w: Lokalka
Prošu přizjewće so, chceće-li komentar podać

nawěšk

  • 21. jolka-swjedźeń w Nuknicy je nimo. Štož zwostanje su dopomnjenki na rjany žortny a zabawny wječor w Nukničanskej Brězanec bróžni. Někotre impresije serbskeho wječora w Nuknicy, kotrež je naša fotografowka-wolontarka Hanka Šěnec zhotowiła, wam tule
  • Serbske Nowiny-LND-Tuchmacherstr. 27 02625 Bautzen: Jolka 12.01.2019
  • Serbske Nowiny-LND-Tuchmacherstr. 27 02625 Bautzen: Jolka 12.01.2019

nowostki LND