Prawe zymske wjeselo w sněze

pjatk, 04. januara 2019
artikl hódnoćić
(0 )
Prěni raz je so wčera w Hornjej Łužicy nimale cyły dźeń sněžiło. Hdyž su specialne wozydła na dróhach njepřestajnje sněh storkali, su so najmłódši – kaž tu na Běłowodźanskej sankowanskej hórce – porjadnje wucychnować móhli. Sněženje je jich w prawym wokomiku dosćahnyło, tak maja poslednje dny prózdnin hišće spodobnu zymsku zaběru. Za Sophiju, Mariju a Sandru kaž tež za druhe dźěći bě to krasne dožiwjenje pola wowki a dźěda w Běłej Wodźe. Runje tak mějachu hólcy a holcy w tamnych łužiskich kónčinach swoje zymske wjeselo w sněze. Foto: Joachim Rjela

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND